Sea Breeze-də sirkin açılışı baş tutdu

İyunun 1-də Circus Sea Breeze-in təntənəli açılışı oldu. Yarımstasionar sirk eyni gündə açılışı baş tutmuş Luna Park ərazisində yerləşir.

Açılış mərasimində Emin Ağalarov və Allahverdi İsrafilov iştirak etdilər. Onlar qeyd etdilər ki, sirk dünyanın hər yerindən ən yaxşı artistləri dəvət edəcək və hər yaşdan olan tamaşaçıların marağına səbəb olacaq unikal şoular hazırlayacaq.

Circus Sea Breeze-in ilk interaktiv şousu xeyriyyə məqsədi daşıyırdı. Tədbirə valideyn himayəsindən məhrum olmuş və sağlamlıq imkanları məhdud uşaqlar dəvət olunub. “Monte-Karlo əfsanələri” beynəlxalq sirk proqramında eyniadlı məşhur festivalın artistləri və beynəlxalq festivalların mükafatçıları: məşhur “Diabolo” şousu ilə Kalaşnikov qardaşları, hava gimnastları – Almaniyadan Anna Leon və Belarusdan Yelena Blotskaya, təlxək Roman Boyko, hula-halqa şousu ilə Natalya Spiridonova, Ukrayna akrobatik dueti "Flash" və bir çox başqaları iştirak etdilər.

Şounun proqramı saytda mövcuddur.