Sea Breeze Bakıda keçirilən V Autizm Festivalının tərəfdaşı kimi çıxış etdi

Mayın 17-də Fəvvarələr Meydanında Azərbaycan Autizm Assosiasiyasının təşkilatçılığı ilə 5-ci illik Autizm Festivalı keçirildi. Sea Breeze bu mühüm sosial layihənin tərəfdaşı idi.

Festivalın məqsədi autizm spektri pozğunluğu olan insanların inteqrasiyasına, onların yaradıcılıq potensialının inkişafına və autizm haqqında ictimai anlayışın artırılmasına dəstək olmaqdır. Tədbir zamanı konsert, xüsusi qayğıya ehtiyacı olan uşaqların əsərlərindən ibarət sərgi, tematik zonalar, maarifləndirici və reabilitasiya təşəbbüslərinin təqdimatları oldu.

Tədbirdə dövlət qurumlarının, biznes dairələrinin, ictimai təşkilatların, KİV nümayəndələrinin, autizmli uşaqların ailə üzvləri iştirak etdilər.