İkinci investisiya forumu Sea Breeze Investment Forum

Mayın 30-da Sea Breeze ərazisində ikinci beynəlxalq investisiya forumu Sea Breeze Investment Forum keçirildi. Bu il iş proqramının diqqət mərkəzində Azərbaycanın daşınmaz əmlakının investisiya potensialının inkişafı durur.

Sea Breeze-ə dünyanın müxtəlif ölkələrindən, o cümlədən Rusiyadan, Qazaxıstandan, Türkiyədən, Hindistandan, İsraildən və digər ölkələrdən qonaqlar gəlmişdi. Forum iştirakçıları qolf maşınlarında kompleks ərazisini gəzərək, Emin Ağalarovun şəxsən nümayiş etdirdiyi hazır obyektlər və inşa edilən daşınmaz əmlak layihələri ilə tanış oldular. Ekskursiyadan sonra unikal Caspian Dream Liner layihəsinin təməlində Azərbaycan İqtisadiyyat Naziri Mikayıl Cabbarovun iştirakı ilə zaman kapsulu qoyuldu.

Forumun işgüzar hissəsində iqtisadiyyat naziri Mikayıl Cabbarov, Azərbaycan Respublikasının Şəhərsalma və Arxitektura Komitəsinin sədri Anar Quliyev, Azərbaycan Turizm Agentliyinin sədri Fuad Nağıyev, Sea Breeze Resort şəhər-kurortunun sahibi Emin Ağalarov, AR Expor və İnvestisiyaların Təşviqi Agentliyinin (AZPROMO) icraçı direktoru Yusif Abdullayev, ABB bankın idarə heyəti sədrinin müavini, idarə heyətinin üzvü Elmir Qəhrəmanov, Commonwealth Partnership-in idarəedici partnyoru Sergey Ryabokobylko, Nardaran Invest-in idarəedici partnyoru Andrey Perequdov, Sea Breeze Resort-un ticarət direktoru Ayaz Tağıyev, Sea Breeze Booking-in məhsul inkişafı direktoru Şahin Axundov iştirak ediblər.

Forumu Agalarov Development prezidenti, Sea Breeze Resort-un təsisçisi və sahibi Emin Agalarov açdı. O, Sea Breeze şəhər-kurortu, layihə fondunun inkişafı üzərində çalışan memarlıq bürolarını təqdim etdi, süni adada tikilən yeni layihələri tanıtdı və kompleksin qlobal inkişaf planlarını elan etdi: “Hökumətlə əməkdaşlıq sayəsində bu il daha fəal tikinti işləri aparacaq və inkişaf edəcəyik. COP29-un böyük tədbirini təşkil etməyi dəstəkləməkdən və Sea Breeze-də 5000-ə qədər qonağı qəbul etməkdən məmnunuq. Bütün bunlar uzun illərin işinin və bir çox insanın peşəkarlığının nəticəsidir. Sea Breeze layihəsi artıq 18 ildir ki, fəaliyyət göstərir. Biz 1 milyon kvadrat metrdən çox əmlak tikmişik və tikinti sahəsini iki dəfə artırmağı planlaşdırırıq. Dünyanın aparıcı memarları bizimlə işləyir: tədricən Sea Breeze əsl memarlıq sərgisinə çevrilir – hər bir növbəti kompleks özünəməxsusluqla seçilir. Tikilən binaların sayı tezliklə 150-ə çatacaq, hər bir layihənin arxasında öz fəlsəfəsi durur. Sea Breeze-in unikal yanaşması da bundadır”.

Məruzəçilərin müzakirə mövzusu region iqtisadiyyatının inkişafı və daşınmaz əmlaka sərfəli investisiyalar oldu. Bütün iştirakçılar Sea Breeze-in regionun inkişafına misilsiz töhfəsini qeyd etdilər: bu, ekologiyanın qorunması, qabaqcıl mühəndislik həllərinin tətbiqi və dünya səviyyəsində investisiya axını üçün güclü bazanın yaradılması məsələlərinin həlli yolu ilə kompleks inkişaf istiqamətində irəliləyən qlobal miqyaslı yeganə layihədir.

Forum çərçivəsində Sea Breeze Booking ilə Azərbaycan Turizm Bürosu arasında Azərbaycanın vahid bronlama xidmətinin yaradılması barədə əməkdaşlıq müqaviləsi imzalandı. Həmçinin Sea Breeze və ABB bank – Azərbaycanın Beynəlxalq Bankı arasında tərəfdaşlıq haqqında memorandum imzalandı. Razılaşma şərtlərinə Sea Breeze ərazisində ABB bank filialının açılması daxildir.

Sea Breeze Investment Forum 2024 Sea Breeze ərazisində ikinci dəfə keçirildi və həqiqətən də təsirli oldu. Şəhər-kurorta müxtəlif ölkələrdən hörmətli qonaqlar və investorlar qatıldı, Sea Breeze-in Azərbaycanın iqtisadi və turizm sahələrinin inkişafı üçün unikal əhəmiyyətini qeyd etdilər. İştirakçılar layihənin sürətli inkişafını qiymətləndirdilər və tərəfdaşlara inanılmaz perspektivlər arzuladılar.