Təqdimatı yüklə
Təqdimatınızı seçin və endirin
.jpg)
-22.jpg)
.jpg)
Sea Breeze-də ilk dəfə möhtəşəm sirk şousu
08 05.2024
İyunun 1-də “Sea Breeze”də sirk sahəsində Oskar mükafatçısı Allahverdi İsrafilovun rəhbərliyi və dünyanın ən nüfuzlu sirk festivallarından birinin artistlərinin iştirakı ilə “Monte Karlo əfsanələri” beynəlxalq proqramı başlayır.
Bu yay Lunapark və Akvapark arasında 1250 yerlik tamaşaçı zalı və 13 metrlik arenası olan sirk çadırı istifadəyə veriləcək və bu sirk şousu məhz burada baş tutacaq.
Sea Breeze sirki Uşaqların Beynəlxalq Müdafiəsi Günündə açılacaq. Xeyriyyə məqsədilə keçiriləcək ilk şouya valideyn himayəsindən məhrum olmuş uşaqlar, həmçinin sağlamlıq imkanları məhdud uşaqlar dəvət olunacaqlar.
Monte Karlonun canlı əfsanələri – peşəkar akrobatlar, janqlyorlar, sehrbazlar, ekvilibristlər həm uşaqları, həm də böyükləri ovsunlayacaqlar. Vindzor Kral At Şousunun tamaşaçılarını öz çıxışları ilə valeh edən möhtəşəm Qarabağ atları isə əsl igidlərin nəzarəti altında məharətlərini nümayiş etdirəcəklər.
Biletləri iticket-də əldə etmək olar.
Öncəki