Nar bulvarının açılışı: Sea Breeze-in “yaşıl tarixi”nin bir hissəsi olun

16 noyabr saat 15:00-da Sea Breeze-də yeni Nar bulvarının salınması mərasimi keçiriləcək. Təntənəli tədbirdə kurort şəhərciyinin təsisçisi Emin Ağalarov, Sea Breeze-in Landşaft departamenti və layihənin dostları iştirak edəcəklər.

Tədbir Sea Breeze-in inkişaf planı çərçivəsində həyata keçirilir. Xəzər dənizinin sahilində unikal layihə olan Sea Breeze hazırda sadəcə dəbdəbəli kurort və yaşayış qəsəbəsi deyil, təkrarsız yaşıllaşdırma planına malik gələcəyin şəhəridir.

Nar ağaclarının əkilməsi simvolik olaraq hər il keçirilən nar bayramına, eləcə də bu il Azərbaycanda keçirilən və gələcəyin əsas ekoloji və iqlim məsələlərini gündəmə gətirən COP 29 konfransına təsadüf edir. Tədbir iştirakçıları ölkəmizdə ən böyük və ən şirəli narların bitdiyi və narın vətəni hesab olunan Göyçaydan gətirilmiş nar ağaclarını əkəcəklər. Gələcəkdə bu ağaclar hazırda uzunluğu 7 kilometr olan Sea Breeze bulvarını bəzəyəcək.

Nar Azərbaycanın simvollarından biridir, bolluq, bərəkət və həmrəyliyi təcəssüm edir. Sea Breeze üçün Nar bulvarı xüsusilə əlamətdar olacaq. Bir vaxtlar Xəzərin sahili səhralıq idi və insanların yaşaması üçün münbit şərait yox idi, lakin bu gün burada müxtəlif növ ağaclar və bitkilər əkilib və onlara qulluq olunur. Sea Breeze-in 300 hektarlıq yaşıllıq sahəsində 10 milyondan çox ağac və kol mövcuddur.

Həmçinin, həmin həftənin sonunda Sea Breeze-dəki restoranlarda nar bayramına həsr olunmuş xüsusi menyu və yeməklər də təqdim olunacaq!

16 noyabr
Görüş yeri: The Grand-ın lobbisi
Saat: 15:00

Sea Breeze-in yaşıl tarixinin bir hissəsi olun!
Tədbir üçün qeydiyyat tələb olunur.

*Tədbir zamanı bütün qonaqlara xüsusi əlcəklər və ayaqqabı örtükləri (baxillər) veriləcək.