Təqdimatı yüklə
Təqdimatınızı seçin və endirin
.jpg)
-22.jpg)
.jpg)
Dream Fest 2024-ə 100 gün qaldı
14 04.2024
Yayın ən böyük hadisəsi – açıq səma altında möhtəşəm “Dream Fest 2024” musiqi festivalına yüz gün qaldı. İyulun 23-dən 28-dək MDB ölkələri, Türkiyə, Böyük Britaniya, Avropa və Kanadanın məşhur musiqiçiləri Xəzər dənizinin sahilində yerləşən Sea Breeze Resort premium kurort şəhərciyində çıxış edəcəklər.
Sea Breeze Resort-da ənənəvi musiqi festivalları olmadan yayı təsəvvür etmək mümkün deyil. Yeni formatda təqdim olunacaq və daha geniş coğrafiyadan olan ifaçıları birləşdirəcək “Dream Fest 2024” sayəsində bu ilin yay tədbirləri təqvimi daha da möhtəşəm olacaq. Artıq məlumdur ki, ifaçılar arasında pop musiqi tarixinin ən uğurlu prodüserlərindən biri, 16 dəfə Qremmi mükafatı laureatı David Foster; 70-ci illərin əfsanəsi Engelbert Humperdinck; 90-cı illərin ulduzu Dr. Alban: 2000-ci illərin məşhur siması Craig David; MDB-də ilk dəfə "Ən yaxşı remiks" nominasiyasında Qremmi qazanmış fenomenal DJ İmanbek olacaq. Bundan başqa, Jack Savoretti və Imany ilk dəfə Bakıda ifa edəcəklər, festivalın ilk günündə məşhur “Celentano tribute show” keçiriləcək, ən əsası isə ulduzlar siyahısı genişlənməyə davam edir. Paytaxtımıza tez-tez üz tutan sevimli ifaçılar və milyonların pərəstiş etdiyi Azərbaycan estrada ulduzları da sizi yüksək keyfiyyətli musiqi və alovlandırıcı çıxışlar ilə sevindirəcək, beynəlxalq DJ-lər isə dünya hitlərini ifa edərək rəqs meydançasını silkələyəcəklər. Altı gün ərzində “Sea Breeze Resort”da bir neçə nəslin populyar musiqiləri səslənəcək.
Biletləri iticket.az veb-saytından əldə etmək olar.
Öncəki